DUNGAN sa reklamo sa mga residente sa Gensan sa kasaba sa bar, miapela ang Business Permit and Licensing Division Office (BPLDO) ang pagpasar ang ordinansa sa pagbutang og full sound proof sa mga bar.
Misangko na sa Sangguniang Panlungsod (SP) ang reklamo sa mga residente sa Provido Village, Barangay City Heights kalabut sa kasaba nga resulta sa operasyon sa Pulse 808 super club. Sa reklamo ni Corazon Tulio, retired teacher residential ang likod sa bar asa daghang mga residente nga dili katulog sa kasaba.
Tubag ni Ian Beltran, tag-iya sa bar tungod sa reklamo ikanaog niya sa ala-una sa kadlawon ang iyang operasyon gikan sa hangtud alas-2 sa kadlawon.
Sa bahin ni konsehal Lourdes Casabuena, angayang liboton sa mga sakop sa BPLDO alang sa inspeksyon ang mga bar sa GenSan. Butyag usab ni Geraldine Zamora, labaw sa BPLDO dili pag-inspeksyon ang solusyon sa problema sa kasaba sa bar nga ginareklamo.
Ang pagpasar sa maong ordinansa ang makaresolba sa daghang reklamo sa mga residente sa mga bar nga ang uban naa man sa commercial are apan naa sa likod ang residential area. Kahibaloan nga Mayo 2021, gipasarado ang maong bar human wala makasunod sa protocol batok COVID-19. I Richel Gubalani