Barado nga drainage canal, rason sa halapad nga baha sa GenSan

MIAWAS nga tubig sa barado nga drainage canal ang rason sa halapad nga pagbaha nga nasinatian sa 12 ka barangay sa General Santos City.

Matud ni Dr. Agripino Dacera, labaw sa City Disaster Risk Reduction Management Council (CDRRMC) tungod sa kusog nga bubo sa tubig ulan hinungdan nga nanghinobra ang tubig sa kanal. Ang maong insidente ang sama sa sad sa nasinatian sa creek sa Barangay Baluan nga miawas ang tubig sa kanal nga maoy hinungdan sa pagbaha inubanan sa high tide.

Sagad sumala pa sa gibaha mao ang mga lugar nga naa sa ubos nga bahin sa dakbayan. Sa datus, gibaha ang Barangay Apopong; Lagao; Labangal; Tambler; Fatima; Baluan; Sinawal, Mabuhay;City Heights; Calumpang, San Isidro ug Bula.

Sa Barangay Lagao, naa sa 23 ka pamilya ang mibakwit samtang tulo ang mibalik dayon sa ilang balay human miubos ang lebel sa tubig. Naa usab sa 60 ka pamilya gikan sa Purok Malipayon sa Barangay Apopong ang mibakwit samtang tulo sa Purok San Lorenzo.

Human miawas ang creek tapad sa Sarangani Medical Hospital nakalabay’ng gabii apan gilayong miuli sa ilang pinuy-anan. Sa Barangay Labangal, naa sa 12 ka Purok ang apektado asa mokabat sa 60 ka pamilya ang nabakwit. Ang mibakwit sa Barangay Tambler partikular sa Purok Paradise ang gilayong mibalik sa ilang panimalay. Sa Barangay Fatima, duha ka Purok ang apektado, duha usab sa Barangay Calumpang mao ang Purok Upper ug Lower Puting Bato ug sa bahin sa San Isidro.

Mokabat usab sa duha ka balay ang totally damage sa Barangay City Heights nga naa sa taas sa dike gitukod. Walay natala nga samaron o namatay sa hitabo, walay imprastraktura apan dunay naguba nga tubo, natumba nga poste ug ang dunay naanod nga portion sa shoulder sa dalan.

Kasamtangan, gisuta pa sa CDRRMC ang kinatibuk-ang danyos sa pagbaha. Samtang gihingusgan ni Dacera nga napangandaman nila ang pa-igo sa Inter- Tropical Convergence Zone (ITCZ). “As early as yesterday morning we have a sent out advisories on the possible weather condition natin kagahapon, unlike earthquake eto po kasing weather disturbance mayron tayong observation like pagkapal ng ulap kaya we have an ampli time to prepare,” asoy ni Dacera

Leave a Reply

Your email address will not be published. Required fields are marked *