Barangay Talairon, nakatala og duha ka kaso sa Dengue

NAKATALA ug duha ka kaso sa dengue ang Barangay Taliaron, diin gidala na sa balay tambalanan.

Sa pakighinabi sa programang Tira Brigada, sa Kapitan sa Barangay Talairon nga si Carlito Selim, nga nagpahigayon sila og pag-inspeksyon sa Purok-5 Barangay Talairon, og wala silay nakita nga poy-anan sa lamok,  apan adunay bakanting lote sa nasangpit nga area kakahuyan ug sagbot kini nga posibling daghan nga lamok sa maong lugar.

Gikabalaka ni Kapitan nga masubli pag-usab nga adunay mga katawhan ang mataptan sa sakit ng dengue, busa gipaningkamotan niya og sa iyang mga kauban nga BHW, ug tanod nga mahinloan ang mga area, hinungdan nga gihatagan na nila kini og dakong oras nga lihikon.

Gisaysay usab niya,  ang giingon ni Sanitary Inspector sa City Health Office Gary Lamparas nga kung adunay makita nga pwedeng mapoy-an sa lamok sama sa tubig  ug mga lugar nga hugaw, kinahanglan kini nga mahinloan tungod kay mao kini ang hinungdan sa pag-kuyanap o sa pag-puyo sa mga lamok nga gadala og sakit nga dengue.(Sam Tizon)