Dakop ang isa ka Barangay Tanod matapos nakuhaan sang armas-luthang sa Brgy. Mahunodhunod, Cuartero, Capiz takna alas 12:35 kaina sang kaaganhon, Nobyembre 8.
Ginkilala ang suspetsado kay alyas Jen, 32-anyos kag residente sang Brgy. Nagsulang, sa banwa sang Dumarao.
Sandig sa impormasyon nagikan sa Cuartero Municipal Police Station, magaresponde kuntani ang mga barangay officials sa ginaalegar komosyon, apang pag-abot ni Barangay Kagawad Gilbert Onato Parreño nakita niya ang suspek nga may bitbit nga isa ka unit sang .45 caliber pistol Springfield armory, model 1911 without serial number, chrome, with black handle nga may magazine kag loaded sang 7 ka bala.
Narekober pagid sa paghinakop sini ang isa ka bag nga itom kag pila ka mga identification cards.
Magapangatubang ini sang kaso nga paglapas sa RA 10591 “Comprehensive Firearms and Ammunition Regulation Act” and COMELEC Resolution No. 10918 (COMELEC Gun Ban).
Sa karon, nagapabilin ini sa kustodiya sang Cuartero PNP para sa nagakaigo nga disposisyon. | Judy Ann Juare