Barangay Tanod sa Milaor, Camarines Sur nalunod!

NAGA CITY – Patay ang isang Barangay Tanod nang aksidenteng mahulog sa ilog sa Milaor, Camarines Sur.

Ayon sa ulat, kinilala itong si Arnulfo Aguirre, 63-anyos ng Barangay San Vicente naturang bayan.

Kwento ng mga nakasaksi, naka-inom umano ang biktima at nagpapahangin sa tabi ng ilog nang aksidenteng nadulas umano ito at tuluyan nang nahulog sa ilog.

Marunong umanong lumangoy ang biktima, subalit dahil na rin sa lakas ng current sa ilalim ng ilog, hindi na ito naka-ahon pa.

Napag-alaman naman ng Brigada News FM Naga kay Edwin Olitoquit MDRRM Officer ng Milaor, Camarines Sur, Enero 8 nang ma-ireport sa kanilang tanggapan ang nangyari kay Aguirre kung kaya hindi nag-atubili ang grupo at kaagad nagsagawa ng Rescue Operation, subalit bigo ang mga ito na mahanap ang biktima.

Kaninang umaga isang retreival operation ang muling isinagawa ng MDRRM-Milaor, Philippine Coast Guard, PNP, EDMERO at mga Volunteer group kung saan, natagpuan na nila ang palutang-lutang na bangkay ng biktima sa ilog na sakop ng Barangay Sabang, lungsod ng Naga.

Leave a Reply

Your email address will not be published. Required fields are marked *