Ginpaidalum sa quarantine ang Barangay Tanza kag Dumulog sa syudad sang Roxas matapos nga nakabalhag sang kaso sang African Swine Fever (ASF).
Bangud sina, nagpahamtang sang ASF checkpoint ang lokal nga gobyerno sang syudad agud dumilian nga makaguwa ang mga baboy ilabi na nga nagapadayon pa ang imbestigasyon kag paghulat sang resulta sa blood samples nagikan sa Office of the Provincial Veterinarian.
Nagapangabay man ang mga awtoridad sa mga pumuluyo nga nagahupot sang baboy nga magpahibalo gilayon sa ila talapatan kun may yara sang sintomas sang ASF ang ila hinuptanan agud matapna ini kag indi na maglapta pa sa iban nga kaiping nga barangay. | Judy Ann Juare