Pilason ang 59-anyos nga mister matapos ginbuno sang barbero sa isa ka bilasyunan sa Barangay Daan Banwa, Tapaz, Capiz.
Ginkilala ang biktima kay Rogelio Onato, 59-anyos, residente sa nasambit nga barangay, samtang ang suspek amo si Wellie Gardose, residente sang barangay Apero apang temporaryo nga nagapuyo sa Brgy.Poblacion,Tapaz.
Sandig sa imbistigasyon nagikan sa kapulisan, nagaupod ang duwa hampang sang baraha sang nagpatunha ang mainit nga bina-isay.
Ginapahayag nga natampa sang biktima ang agtang sang suspek rason nga ginbuno sini si Onato sa ilok gamit ang 9 ka pulgada nga hinganiban.
Nag-angkon ang duha sang pilas bangud ginhaboy man sang biktima ang suspek kag naigo sa ulo gamit ang isa ka botelya.
Ginpadangat sa ospital ang Onato para sa nagakaigo nga pagbulong samtang at-large tubtob sa karon si Gardose nga madasig nagpalagyo matapos ang insidente.//KMD Gicalde