GIBANTAYAN sa Philippine Coast Guard (PCG) ang posibleng aktibidad sa barko sa China nga nakaangkorahe sa pantalan sa Lebak, Sultan Kudarat. Matud ni PCG Capt. Michelle Ursabia, spokersperson sa PCG- District Southern Mindanao, sa karon wala pa silay nakita nga iligal nga aktibidad sa crew sa maong barko.
Apan giangkon ni Ursabia nga base sa ilang pagsusi kumpleto ug dokumento ang barko lakip ang 23 ka crew sa 220 meter nga gindak-on sa barko. Giangkon ni Ursabia nga sa pagpangutana nila giangkon sa kapitan sa barko nga rason sa ilang presensiya sa kadagatan sa lugar mao ang pagpahigayon og dredging operation. Namonitor sa PCG ang barko atong Septyembre 9 ug naabot kini sa pantalan sa lebak atong Setyembre 11.
Dugang niini, wala pa kasugod sa dredging operation tungod naghulat pa ang crew nga mokumpleto ang giproseso nga dokumento alang sa aktibidad. Samtang, giadtoan sa news team ang Philippine Port Authority (PPA) alang sa dugang detalye kalabut sa barko apan pakyas nga makakuha og pamahayag.
Una nang, migula ang impormasyon nga dunay planong magpahigayon og black sand mining sa maong lugar. I Richel Gubalani