Basyang, nasa PAR na

Napanatili ng Bagyong Agaton ang lakas nito sa 45 kilometro kada oras at bugsong aabot ng 75 kilometro kada oras.

Ngayong 11:00am, huling namataan ang Tropical Depression Agaton sa vicinity ng Balangiga, Eastern Samar.

Sa kasalukuyan, nakatas pa rin ang Tropical Cyclone Wind Signal No. 1 sa southern portion ng Masbate (kabilang ang Dimasalang, Cawayan, Palanas, Placer, Cataingan, Esperanza, Pio V. Corpuz), Eastern Samar, Samar, Northern Samar, Biliran, Leyte, Southern Leyte, at northeastern portion ng Cebu (kabilang ang Daanbantayan, Medellin, City of Bogo, Tabogon, Borbon, Sogod), Camotes Island, Dinagat Islands.

Samantala, nakapasok na sa Philippine Area of Responsibilkity ang Typhoon Basyang.

Huli itong namataan sa layong 1,435 kilometro Silangan ng Southern Luzon. Taglay nito ang lakas ng hangin na aabot ng 120 kilometro kada oras, at bugsong aabot ng 150 kilometro kada oras.

Tinatahak nito ang direksyong pa Hilaga-hilagang Kanluran sa bilis an 20 kilometro kada oras.

Inaasahan namang hindi na magtatagal ang Basyang sa PAR at posible ring lumabas na ng rehyon mamayang gabi.
#