Bata sa Quezon, Isabela; binansagang “BABY VOWEL” dahil sa kanyang pangalang AEIOU

Agaw atensiyon ngayon sa social media ang kakaiba at nakakaaliw na pangalan ng isang bata mula sa Brgy. Santos, Quezon Isabela   na si Aeiou Jei Viloria o mas kilala bilang Baby vowel.

Si Baby Vowel ay ipinanganak noong December 15, 2018 sa nasabing bayan at siya ay dalawang taon na ngayon.

Una nang nag-viral ang pangalan ng bagong panganak na sanggol na si baby Ghlynnyl Hylhyr Yzzyghyl o tinawag na baby consonant na mula sa Carmen, Cotabato.

Sa naging panayam ng 92.9 Brigada News FM Cauayan kay Jesicca Viloria, ina ni Baby Vowel, napagkasunduan nila ng kanyang asawa na kakaibang pangalan dapat ang ibibigay nila sa kanilang magiging panganay.

Naging resulta ng kanilang pag-uusap ang pangalang Aeiou Jei o Baby Vowel para sa kanilang anak.

Ang pangalan ni Baby Vowel ay hango sa limang letrang patinig na A,E,I,O,U kung saan ito ang unang pinapabasa sa mga bata.

Isang biyaya umano sa pamilya si Baby Vowel dahil bata pa lamang ay nakikilala na siya dahil sa kanyang kakaibang pangalan maging ang kabutihan nito.

Samantala, kinahaharap naman ngayon ng Ina ni Baby Vowel ang sakit nito sa kidney matapos madiagnose noong Enero at ngayon ay sumasailalim na siya sa dialysis.

Gayunpaman ay patuloy parin nilang imumulat si Baby Vowel sa magandang asal na kanyang bibitbitin sa kanyang paglaki.

Leave a Reply

Your email address will not be published. Required fields are marked *