-Daina Gerona
KABANKALAN CITY, Negros Occidental — Tikom ang bibig kag nag-alsa sang kamot, ang 20 anyos nga bata ni Basilio Gemarangan – nga ginluthang patay, sang ini ang gintaya-an sang calibre 45 nga armas luthang sang isa sa tatlo ka mga suspetsado sang krimen sa So. Mambalayong. Barangay Mahalang, syudad sang Himamaylan.
Base sa interbyu sang Brigada Kabankalan sa asawa sang biktima nga si Manuela Gemarangan nga tatlo ka mga kalalakihan ang ginsaroso sang ila nga napulo ka ido kag ginhunggod sa pagguba ang ila nga gate sa likod sang balay lapos sa kamalig kon sa diin nagatulog ang iya bata nga ikaduha sa amo nga tion.
Dugang pa nagpakitlu-oy pa ang bata ni Gemarangan nga indi lamang pagpatyon ang iya amay, apang nakapalupok na sang lima ka beses kag na-igo na sa likod lapos sa dughan kag sa wala nga kamoy nga may lapos man.
Suno pa sa asawa nga halin sadto anay, wala gid sang kontra ang iya nga bana, apang prangka lamang ini nga klase sang taho kag madamo sang amego nga pirme nagakadto sa ila nga balay, kag wala man ini naka-istorya sa iya nga asawa nga may yara ini sang nakalalis.
Base naman sa imbestigasyon sang kapulisan nga posible personal grudge ukon aligotgot ang motibo.
Nahibaluan, nga pila na ka adlaw bag-o ang krimen luyag ni Basilio nga indi pagpasigahon ang mga suga sa palibot sang ila balay lakip na sa gate sa atubangan kag sa likog kag bag-o pa ang pagpangluthang sang may yara na nasiplatan ang ila sini nga mga kaingod nga pila ka mga tawo nga ka duda-dudahan kag wala nila makilal-an.