Gindagsa sang madamo nga tumalan-aw ang Battle of the Bands nga ginhiwat sa Capiz Government and Business Center Carpark.
Kapin 11 ka mga banda ang nagpasakop nagikan sa nagkatuhay nga probinsya sang isla sang Panay kag kabanwahanan sang Capiz ang nagpasikat sa intablado sa pagkanta sang OPM (Tunog Kalye), Reggae kag Foreign Rock Music nga nagpabilib sa mga pumuluyo.
Gindeklarar nga kampyon ang Mirage Band nga bugal sang Roxas City kag nagbaton sang padya nga P15,000 kag tropeyo; 1st Placer namn ang Stage Revolution Band nagikan sa Estancia, Iloilo kag nagbaton sang P10,000 nga premyo kag trophy; samtang 2nd placer ang R.A.I.D.D Band nagikan sa syudad kon sa diin naangkon sang P5000 nga premyo kag tropeyo.
Nagpasalamat ang mga nagdaug kag ang mga nagpasakop sa gobyerno probinsyal sang Capiz sa pagpatigayon sang Battle of the Bands nga naghatag sang kahigayunan sa ila agud ipakita ang ila sini nga talent. | KMD Gicalde