Nagapabilin nga negatibo sa red tide toxin ro mga baybayon sa Western Visayas suno sa Bureau of Fisheries and Aquatic Resources (BFAR).
Base sa Shellfish Bulletin No. 12 ku June 28, 2024, ro mga baybayon sa Aklan, Capiz, Antique, Guimaras ag Iloilo hay salbar sa red tide.
Samtang, nagpaandam gihapon ro pamunuan it BFAR sa publiko nga maghaeong sa pagkaun it mga shellfish ag alamang bangud may pila gihapon ka mga lugar sa Visayas ag Mindanao ro positibo sa red tide partikular sa mga lugar it San Benito, Surigao del Norte; Dauis ag Tagbilaran City sa Bohol ag Dumanquillas Bay sa Zamboanga. // ANN DESLENE SALAZAR