Inanunsyo ng aktres na si Bela Padilla na permanente na ang kaniyang paglipat sa London upang doon ay manirahan.
Dahil diyan ay natanong ng ilang followers nito kung permanente na bang lilisanin ni Padilla ang mundo ng showbiz.
Sa isang tweet ay sinabi ni Padilla, “I tried to find my footing first before sharing what it’s really like now. I’m ready to let you in to my life and tell you more about it!”
Ipinunto naman ni Padilla na magbabahagi pa siya ng mga karagdagang detalye sa kaniyang paparating na vlog kung saan ay sasagutin niya ang lahat ng tanong ng kaniyang followers.
Mababatid na mayroong pamilya ang 30-anyos na si Padilla sa UK
Noong Agosto ay ibinahagi ni Padilla ang mga litrato niya na kasama ang British side ng kaniyang pamilya, kabilang na ang kaniyang mga babaeng kapatid at mga pamangkin.
Ipinakita rin ni Padilla noon ang mga litrato nito sa UK kung saan ay makikita na kasama niya ang kaniyang Swiss boyfriend na si Norman Bay.
