BFAR Aklan, nagpatigayun it red tide sampling sa Batan bay

Gin umpisahan eon it Department of Agriculture-Bureau of Fisheries and Aquatic Resources 6 (DA-BFAR 6) pinaagi it Provincial Fisheries Office Aklan (PFO Aklan) sa pakikipagbueoligan it Local Government Units (LGUs) it Altavas, Batan ag New Washington ro andang weekly red tide sampling.

Ginpatigayun nanda raya sa Batan Bay partikular sa Altavas, Batan ag New Washington ku August 29, 2023 kaangot sa ginpaguwa nga Shellfish Bulletin No. 20 series of 2023 nga may petsang August 26, 2023 nga nagadeklara sa Batan Bay sa Aklan nga positibo sa Paralytic Shellfish Poisoning (PSP).

Ro pagkolekta it water ag meat samples hay ginpatigayun sa 15 sampling sites ag ro mga nakolektang sample hay ginpasa sa BFAR Regional Fisheries Laboratory 6 para sa analysis ag igapadaea man sa BFAR National Fisheries Laboratory Division para sa confirmatory testing. // ANN DESLENE SALAZAR

Leave a Reply

Your email address will not be published. Required fields are marked *