BICOL – DOBLE-KAYOD ngunyan an Bureau of Fisheries and Aquatic Resources o BFAR-Bicol tanganing simbagan an padagos na naglalangkaw na infation rate kan rehiyon.
Base kaya sa latest report kan Philippine Statistics Authority o PSA, nagrehistro an Bicol kan 6.5% overall inflate rate kan Hulyo na iyong ikaduwa sa pinakahalangkaw sa gabos na rehiyon sa nacion, nagsunod sa Cagayan Valley.
Pag abot man sa food inflation, nagtala an rehiyon kan 0.5 percentage point (ppt) increase gikan sa 6.1% kan Hunyo iyo an naging 6.6% kan Hulyo.
Nagluluwas man na kabale sa mga pagkakan na na nagpataas sa food inflation sa Bicol puon Mayo hasta Hulyo iyo an karne, prutas asin sira isda na igwang 14.7% inflation rate para sa bulan nin hulyo.
Mantang segun ki BFAR-Bicol Regional Director Nelson Bien, konektado an halangkaw na fish inflation sa halangkaw na volume nin isda na pig iimportar paluwas nin rehiyon rason tanganing magkulang an suplay kaini sa lokal na merkado.
Nakaapekto man soboot an pagmahal kan presyo nin karne para maglangkaw an demand nin sira.
Bilang simbag mas urog pang pinakusog kan BFAR-Bicol kan rehabilitation effforts sa mga lugar sa rehiyon na tinamaan nin bagyo sa paagi kan hatchery asin nursery production para macierto an suplay kan fingerlings asin broodstock siring man mga dugang na mga kagamitan para sa mga parasira.
Mahigot man an pigigibong monitoring sa mga fishing grounds asin aquaculture areas tanganing mapugulan an fish kills sa rehiyon na iyong pigkokonsiderar na ‘third top producer’ nin sira sa bilog na nacion.