BGen. Leonardo Peña, bag-o nga Asst. Division Commander sang 3ID

Pormal na nga nagpungko si Brigadier General Leonardo Peña bilang bag-o nga Assistant Division Commander sang 3rd Infantry (Spearhead) Division sang Philippine Army sa Camp Macario Peralta sa banwa sang Jamindan.

Ginpangunahan ni 3ID Commander Major General Marion Sison ang Opisyal Assumption of Chief of Office Ceremony sang damlag lang.

Nahibaluan nga antes magpungko bilang Assistant Division Commander sang 3rd ID si BGen. Peña nauna sin inga ginpamunuan ang 302nd Infantry Brigade.

Sa idalum sang liderato ni Peña, madamu nga pagkilala ang nabaton sang 302nd Brigade sa administrative kag operational aspects kalakip ang 3rd Infantry Division’s Best Maneuver Brigade for CY 2022, AFP Campaign Streamer for the dismantling of guerrilla forces, kag ang conferral of Proficiency Status with Gold Trailblazer Award in the Army Transformation Roadmap.

Nag-uyat man sang nagkalain-lain nga position ang opisyal kaangay sang Deputy Brigade Commander sang 301st Infantry Brigade kag Commanding Officer sang 61st Infantry Battalion.

Ginpanginbulahan naman ni 3ID Commander MGen. Sison si Peña sa iya sini nga well-deserved designation kag ginpaabot sini ang iya pagsalig kag kumpiyansa sa iya nga ‘Mistah’ nga mangin kabulig sini pagdumala sang Dibisyon. | KMD Gicalde

Leave a Reply

Your email address will not be published. Required fields are marked *