DISMAYADO ang labaw sa kapulisan sa Soccsksargen sa naabtang sitwasyon sa pipila ka presinto sa GenSan. Matud ni BGen. Alexander Tagum, director sa Police Regional Office (PRO) 12 nakita niya nga relaks ug unprepared ang mga sakop. Sa upat ka presinto nga naadto niya dungan sa gihimong suprisang inspeksyon nakalabay’ng semana.
“Pagtuyok nako sa upat ka station sa GenSan, I discovered nga tulo ka Chief of Police wala sa ilhang station ug mga tao nila nangatulog na ang uban, walay duty Desk Officer, most of the personnel’s are in their banks, beds, room katong uban siguro naga-ready na matulog, walay bisag isa nga nakagunit og long firearms,” asoy ni Tagum.
Ang nakita niya ang repleksyon sa mga lider nga nagdala sa maong presinto, rason usab kini sa pagbahad niya sa pagtaktak sa pwesto sa labaw sa GenSan City Police Office (GSCPO). Ugaling subli niyang makita ang ‘lapses’ sa mga presinto, ang mensahe ang alang sa tanang sakop sa ilawom sa PRO-12, butyag ni Tagum. Gihingusgan niini nga kinahanglan andam ang tanang sakop sa posibleng mahitabo sa ilang lugar nga ginsakopan. Angayang 24/7 nga nagbantay sa palibot aron masiguro ang kahapsay ug kalinaw sa area of responsibility. (Richel Gubalani)