Dismayado ang Bureau of Immigration sa gihimong operasyon sa ilang kauban sa ahensya batok sa 3 ka Chinese nationals nga gisilbihan og mission order.
Sumala ni BI District Office CDO Alien Control Officer Felipe Alano Jr. nga nakurat sila sa pagtunga sa PNP sa ilang buhatan tungod sa impormasyon nga dunay kidnapping nga nahitabo diin ang 3 ka intsik ang gidagit sa nagpailang empleyado sa immigration.
Sa gipakita nga video footage, nakita ug naila gilayon ni Alano nga ang anaa sa video nga nagsilbi sa mission order mao si Ansari Macaayan, usa ka opisyal sa BI Region 10.
Subo matud pa nga walay gihimong koordinasyon ang mga nag-serve sa mission order sa buhatan sa BI sa Cagayan de Oro.
Sa Mission Order No. 2023-037, usa lamang ka Chinese National ang subject sa mission order.
Diin subject niini si QUI, LIAO- tungod matud pa sa “overstaying, undocumented ug allegedly Engaging in Gainful Occupation Without Proper Visa/Permit”, apan gikahibulong kung unsay mga kalapasan sa duha pa ka mga Chinese nga lakip gidala sa mga taga BI.
Misumiter na ug report si Alano ngadto sa BI sa kauluhan kalabot sa maong hitabo nga gika-alarma sa syudad ilabina sa mga Chinese nationals.