LEGAZPI CITY β Liwat na nadugangan ki tulong bulawan na medalya an Bicol Region sa nagpapadagos na Palarong Pambansa 2023 duman sa syudad kan Marikina.
Segun sa Department of Education (DEPED) Bicol, nakua an medalya sa kawat na Arnis Synchronized Single Weapon Elementary Girls Category sa paagi ninda Meleizza R. Monteroso, Ashly Evon Q. Dela Torre, asin Rockquel Juliene E. Rellorcasa hale sa syudad kan Ligao.
Siring man, nakakua man sinda Justine Trixiane A. Quililan, Justine Gianne A. Quililan, asin Joanne Marie G. Lopez sa Secondary Girls category sa kaparehong kawat.
Apwera pa kaini, nanggana man asin nakakua ki kaparehong medalya si Sofia G. Huete kan Sta. Cruz Elementary School sa Sorsogon sa kawat na Discus Throw Event.
Sa partial and unofficial results, nasa ika-10 pwesto an rehiyon na may walong gold, sampulong silver asin pitong bronze sa karawat.