Gipasakaan na og kaso sa otoridad ang duha ka big time drug pusher human nadakpan sa gikasang operasyon didto sa Purok-4, Brgy. Fili Bayugan City, Agusan del Sur.
Ang mga suspek giila sa report sa Police Regional Office 13 nga sila si Jimmy Negosa, High-Value Individual nga nalista sa Regional Priority Target, ug usa ka alyas Joy nga nalista isip Street Level Individual nga pulos residente sa JK Village, Brgy. Kinking Davao de Oro.
Narekober gikan kanila ang iligal nga droga balor P714,000.00 ug bang paraphernalias.
Ang operasyon gilusad sa Police Regional Office 13 ug Philippine Drug Enforcement Agency-13. BNFM-DAVAO