BICOL – MAABOT na sa labi tres sientos mil an bilang kan mga learners sa Bicol na nakapagrehistro sa extended early registration kan Deped para sa school year 2021-2022.
Sa pinakahuring report kan Deped-Bicol, igwa nang kabilugan na 325,767 na mga learners an nag enroll sa kindergarten asin grades 1,7 asin 11 sa man iba ibang mga pampubliko asin pampribadong eskwelahan sa rehiyon.
Sa bilang na ini pinakadakul an nairehistrong enrollees sa Grade 1 na nasa 106,042, sinundan kan Grade 7 na igwang 77,088 enrollees, 73,498 sa Grade 11 asin may 69,139 man sa kindergarten.
3,895 man sa kabilugan na 3,913 na mga public elementary asin secondary school sa rehiyon an nakisumaro sa pre-registration activity o kabaing nin 99.54% na participation percentage.
Dose man sa treseng mga mga Schools Division Offices sa rehiyon an nagkamit nan in 100% sa saindang target.
Inihayag ni Mayflor Marie Jumamil, Deped-Bicol Regional Information Officer, na obheto kan pagsasagibo nin early registration iyo an macierto an ‘right to education’ kan kaakian urog ngunyan na igwang covid-19 pandemic.
Paagi soboot ini kan departamento para matantsa an posibleng bilang kan mga bagong estudyante sa bagong school year asin sa siring Na paagi makacrear nin strategic plan tanganing macierto an quality basic education para sa gabos.