LEGAZPI CITY – Arestado ang isang binata matapos ikinasa ng mga otoridad ang drug buy-bust operation sa P-10, Brgy. Tagas, Daraga, Albay.
Kinilala ang suspek na si Ken Jeremy Llanto y Loterte, 18 taong gulang na residente ng P-5 A, Brgy. San Roque ng kaparehong bayan.
Ayon sa report, isinagawa ng Daraga MPS kasama ang PDEA Bicol ang nasabing operasyon laban sa suspek, kung saan pinagbentahan nito ang poseur buyer ng isang heat-sealed transparent plastic sachet na may lamang pinaniniwalaang “shabu” sa halagang PHP1,500.
Narekober din sa katawan ng suspek ang dalawa pang suspected “shabu” na may timbang na humigit -umulang 2.2 grams na aabot sa PHP15,000.
Ang suspek at ang mga narekober na item ay dinala sa kustodiya ng pulisya para sa kaukulang disposisyon.