Binata na sinaksak matapos may makaalitan sa Restobar, namatay na

Namatay na ang isang 26 anyos na binata makaraang masaksak noong madaling araw ng Biyernes, ika- 16 ng Disyembre 2022 sa Alfonso XIII Quezon, Palawan.

Kinumpirma sa Brigada ng kaanak na alas- otso kagabi ay binawian na ng buhay ang biktimang si JEMON MORANO, 26 anyos sa ospital sa Puerto Princesa.

Sa imbestigasyon ng PNP, bago ang pananaksak ay naka-alitan ng biktima ang isang Alvin Aclaracion ng Panitian, Quezon sa loob ng painuman pero naawat ito ng mga naroon.

Matapos ang pag-aaway ay umalis sa painuman si Jemon at isang kasama nito sakay ng motorsiklo pero nang sila’y huminto 50 metro ang layo mula sa painuman ay biglang dumating ang dalawang kalalakihan.

Isa sa dumating na lalaki ang sumaksak ng tatlong beses sa tagiliran ng biktima gamit ang umano’y ice pick.

Agad umanong tumakas ang mga suspek matapos ang pananaksak, ayon sa PNP Quezon.

Leave a Reply

Your email address will not be published. Required fields are marked *