BIR, pumayag na mapalawig ang deadline sa pagbabayad ng buwis sa lockdown areas

Pumayag ang Bureau of Internal Revenue na palawigin ng 15 calendar days ang paghahain ng returns at pagbabayad ng buwis sa mga lugar na isinailalim sa dalawang linggong enhanced community quarantine at modified ECQ na nagsimula ngayong araw.

Sa isang memorandum circular, ay sinabi ni BIR Commissioner Caesar Dulay na kinikilala ng ahensya ang pangangailangan na mapahaba ang cutoff dahil sa quarantine restrictions.

Dagdag niya, makakatulong ang pagpapalawig ng deadline sa efforts ng mga otoridad sa pag-contain sa COVID-19, lalo na sa mas nakahahawang Delta variant.

Sinabi ni Dulay na papayagan rin ng BIR ang karagdagang 15 days extension kung sakaling magdesisyon ang mga otoridad na palawigin ang kasalukuyang quarantine classification.

Sa kabila ng pinalawig na deadline ay maari naman i-settle ng mga taxpayers ang kanilang revenue dues sa mga authorized agent banks (AABs).

Pwede rin magbayad ng tax due sa mga concerned revenue collection officers sa pinakamalapit na Revenue District Office.

Leave a Reply

Your email address will not be published. Required fields are marked *