NAGA CITY- Virtual parin ang visitation sa Bureau of Jail Management and Penology o BJMP Naga District kahit na nasa Alert Level 2 na sa Community Quarantine Classifications ang lungsod. Subalit naghahanda na ang BJMP sakaling gumaan pa sa Alert Level 1.
Ito ang ibinahagi sa Brigada News FM Naga ni JI Emmanuel Genio , Male Dorm’s Assistant Warden. Aniya sa ngayon nanatili ang No contact policy, ipinapasunod pa ang E-dalaw. Kung ibaba sa Alert Level 1 ang quarantine classification , maglalagay ng booth ngunit two way parin, makikita personal ng person deprive of liberty ang kaanak ngunit hindi mahahawakan bagkus mag-uusap sa pamamagitan ng telepono ngayong Christmas Season.
Sa ngayon 427 ang mga lalaking nakapiit. Istrikto ang BJMP sa pag inspection sa mga pagkaing dinadala upang maharang ang anumang kontrabando.
Samantala, lahat na ng PDL ay naturukan na ng COVID vaccine , fully vaccinated naman ang lahat ng personahe ng BJMP at nanatiling COVID-free.