Dul-an sa trenta (30) ka bags sa dugo sa tawo ang nakolekta human sa gipahigayon nga kalihokan nga gipangunahan sa Philippine Red Cross (PRC) Agusan del Sur Chapter sa may Barangay San Ignacio sakop sa lungsod sa Trento ning milabayng adlaw.
Ang programa tipik sa padayon nga lakang sa pagtubag sa PRC alang sa makanunayon nga paghangyo sa dugo sa tawo kini isip tabang ngadto na sa mga katawhang nanginahanglan luyo paman sa padayong hulga sa pandemya sa palibot.
Gipangunahan ni Kristine Esguerra sa Philippine Red Cross (PRC) Agusan del Sur Chapter ang maong kalihukan uban ang mga personahe sa Rural Health Unit sa Trento nga gipanguluhan ni Municipal Health Officer Dr. Christine Joy Macalagay.
Samtang personal usab nga nagpaabot ug dakong pagpasalamat si Kapitan Letecia Monares ang punong barangay sa gikabutyag nga lugar ngadto na sa PRC ug sa RHU sa Trento human sa malampusong aktibidad nga gipahigayon nga dakong tabang ngadto na sa mga katawhang nanginahanglan ug dugo.
