Booster dose para sa 12-17 y.o. na ‘di immunocompromised, posibeng masimulan na rin

Umarangkada na sa mga piling ospital sa Metro Manila ang pagtuturok ng booster shot para sa mga immunocompromised na edad dose hanggang disi-siyete.

Ito ay makaraang lagdaan na ni Health Secretary Francisco Duque ang rekumendasyon ng HTAC para sa nabatid na age group.

Sa Department of Health Media Forum, sinabi ni Health Undersecretary Maria Rosario Vergeire na eligible na ang nasabing age bracket na mga immunocompromised.

Isasagawa lamang ito sa mga ospital at hindi sa mga vaccination centers.

Sa ilalim ng guidelines, papayagan na ang bakunahan nito – apat na linggo o dalawampu’t-walong araw matapos ang kanilang second dose ng bakuna.

Tanging Pfizer BioNTech brand lamang ang maaaring gamitin dahil ito lamang ang napagkalooban ng emergency use authorization.

Samantala, sa #LagingHanda press briefing naman, sinabi ni NVOC chairperson Health Undersecretary Myrna Cabotaje na iba ang interval ng bakunahan ng 12-17 year olds na mga immunocompromised at mga hindi naman immunocompromised.

Paglilinaw ni Cabotaje, kung 28 days ang interval sa mga immunocompromised ng age bracket na ito – 5 months naman para sa iba pang edad 12-17.
#