Boracay bubble guidelines sa mga bakunado nga turista, ginaplanuhan

Prsente nga ginaplanuhan it lokal nga gobyerno it Aklan ro pagtaeana it bubble guidelines nga igapatuman sa isla it Boracay.

Ro mga turista nga fully vaccinated halin sa mainland China, Singapore, Taiwan, Japan, India, Saudi Arabia, Indonesia, Kosovo, Guinea, Chad, Ivory Coast, Uganda, Senegal, Zambia, United Arab Emirates, Paraguay, Sudan, Zimbabwe, Togo, Palau, Rwanda , Saint Eustatius, South Africa, Saint Barthélemy, Oman, Morocco, Niger, Mali, Kosovo, Kyrgyzstan, Comoros, Bhutan, Kuwait, Malvinas, Guinea-Bissau, ag Hong Kong, hay ginapasugtan eun it national inter-agency task force nga magsueod sa nasyun.

Ro pagbiyahe via chartered flights halin sa “green countries” hay himuon nga planned travel bubble arrangement.

Ro mga gaabot sa Kalibo International Airport hay kinahangean nga maggamit it mga chartered busses ag mga gintaeana nga safe travel lane para sa mga domestic ag foreign nga mga turista pag-abot sa Caticlan jetty port.

Samtang ro mabalik nga mga foreign nga turista hay pwede eun man magpa-idaeom sa reverse transcription polymerase chain reaction (RT-PCR) testing kung ginakinanghaean it andang nasyun.

Sambilog ka private molecular laboratory sa Caticlan reclamation area sa Malay, Aklan ro naga-operate para mag-facilitate it swab testing para sa mga  biyahero halin sa ibang nasyun./JIL B. LACSON