Pormal nga ginlunsar ang ikaduha nga Information Technology and Business Process Management (IT-BPM) Building sang Pueblo de Panay TechnoPark sang damlag lang.
Ginpangunahan ini ni PDP Inc CEO & President Jose Neri Ong kaupod ang iya bug-os nga team.
Ang pagtukod sang panibag-o nga building indikasyon sang pagsulod sang mas madamo pa gid nga opurtunidad sa pumoluyo nga makapangempleyo sa IT-BPO Industry.
Ginabulubanta nga ang nasambit nga proyekto ang magadala sang kapin duha ka-libo nga trabaho sa pumuluyong Capisnon kag magabulig sa pa-umwad kag magadala sang progreso sa probinsya sang Capiz kag mga kalapit nga probinsya.
Nagtambong sa launching si Capiz Governor Fredenil Oto Castro, Mayor Ronnie Dadivas kag Vice Mayor Inday Teresa Almabis. Nangin dinapit man nga bisita sanday DBP led by President Michael De Jesus, European Chamber of Commerce of the Philippines (ECCP) Region 6 President Joe Bantiling kag IT & Business Process Association of the Philippines (IBPAP) President Jack Madrid. | Judy Ann Juare