Nagapangatubang makarun ro sangka barangay tanod sa kasong pag eabag sa RA 9165 (Comprehensive Dangerous Drugs Act 2002), RA 10591 (Illegal Possession of Firearms), ag RA 9516 (Illegal Possession of Explosives).
Raya hay matapos maboe-an raya it illegal nga droga, baril, ag pampasabog sa ginpatigayun nga drug buy-bust operation it San Rafael PNP sa Sitio Daga, Brgy. Bagacay, San Rafael, Iloilo, ku Agosto 20, 2023.
Ginkilaea ro subject person nga si John Paul Baclagon, 23 anyos, Brgy. Tanod, residente it nasambit nga lugar ag ginakabig nga Street Level Individiual sa drugs watchlist it San Rafael Municipal Police Station.
Sa nasambit nga operasyon hay narekober kay Baclagon ro limang sachets it suspected shabu kaeakip eon ro buy-bust item nga may bug-at nga 2 gramo nga nagabalor it P20,000.
Narekober pa sa suspek ro sangka hand grenade, sangka unit it caliber .22 revolver, P800.00 proceed money, P5,000 boodle money, sangka unit it handheld radio, sangka maisot nga knapsack, ag Rusi 125 motorcycle nga ginamit it suspek. // ANN DESLENE SALAZAR