“ THE secret of happiness is helping others.” Mao kini ang gipaambit ni Brigada Elmer V. Catulpos sa tanan nga aron magmalipayon, mahimong motabang. Daghan matud pa ang angayang tabangan, bisan sa mga makita sa kalye o uban pa nga nanginahanglan og pagtagad, moadto sa home for the aged o bisan kinsa nga gustong tabangan.
Pinaagi matud pa sa pagtabang, bation ang kalipay. Sama sa gimugna nga KaBrigadahan GenSan, gitino ni Catulpos nga usa kini ka maayong venue aron nga mabati ang kalipay.
Kung bation matud pang kalipay tungod nakatabang, mahimong bubuan pa og panalangin. Gipaambit usab sa Ama ng Brigada nga kinahanglang positive vibes ang ipatigbabaw tungod maka-attract kini og blessings.
Sa panahon sa kalisod, kasubo, kagul-anan ug problema, kinahanglang dili moatras inay mamalandong ug hunahunaon nga daghang rason aron magpadayun sa kinabuhi ug kinahanglan nga adunay hugot, aron mogiya kanato sa pagpaningkamot ug paglambo.
Samtang dugang ni Catulpos, kung nakab-ot na ang gusto sa kinabuhi, kinahanglan nga dili pa muundang, inay mohimo og mga lakang nga sama na lamang sa makatabang pa sa kadaghanan.