GenSan dream is a dream for a better life. Kini ang gihingusgan ni Brigada Elmer V.Catulpos nganong kinahanglan kini tungod kung adunay damgo nga magmaayo ang kinabuhi, sugdan kini sa pagbaton og edukasyon.
Pangandoy sa tanang ginikanan nga mapatungha ang ilang mga anak aron nga makab-ot ang ilang gusto sa kinabuhi, maharuhay ang pagpuyo.
Dugang ni Brigada Elmer, ang tanan mianhi sa GenSan aron manginabuhi nangandoy og maayong kinabuhi ug kini ang damgo usab sa Ama ng Brigada alang sa mga katawhan sa GenSan aron nga maangkon ang kalambuan.
Sa mga kabataan, damgo usab nila nga makahuman sa pagtungha aron matuman ang ilang handum sa maayong kinabuhi ug makatabang usab sa ilang ginikanan bag-o pa sila magpamilya.
Sa tanang katawhan, ilabi na sa mga kabataan, giangkon ni Catulpos nga lisod makab-ot ang mga damgo kung walay klarong direksyon asa gayud kita mupadulong.
Dugang ni Catulpos ang walay klarong direction sa atong lokal nga ekonomiya kung asa kita padulong, maoy hinundan sa daghang walay trabaho ug daghan ang napakyas sa dream for a better life dinhi sa GenSan mao nga daghan ang nag-antos sa kalisod.
Apan nagdependi kini sa lider ug nakita ni Catulpos nga kayang ipabarog ang GenSan sa iyang vision ug handum nga masusama sa Singapore ang dakbayan tungod kini ang atong balay, bahandi ug garbo.