Brigada Zumba sa South Bay nga ipahigayon sa Queen tuna park karong buntaga

GILAUMANG libuan ka mga partisipante ang mosalmot sa Brigada Zumba sa South Bay nga ipahigayon sa Queen tuna park.

Kaabag sa maong aktibidad sa Brigada News FM GenSan ang Barangay Dadiangas South pinaagi ni Kapitan Rock Garay.

Magsugod alas 6 sa buntag ang Zumba nga giapilan usab sa mga estudyante gikan sa nagkadaiyang tulunghaan sa GenSan.

Segun ni Garay nga  bisan mga empleyado sa ilang barangay ug mismo siya ang moapil sa Zumba dungan sa pag-awhag sa ubang mahiligon sa Zumba nga moapil.

Gawas niini may mga doktor ug nurses matud pa nga mohatag og libreng check up.

Lakip ang kapulisan sa pagpanguna ni PLt.Col. Jomar Alexis Yap, labaw sa General Santos City Police Office ang mopadala og mga personahe aron mosalmot sa Zumba ingon man ang Joint Task Force GenSan ug ubang ahensya sa lokal nga panggamhanan dungan sa pagsiguro usab sa seguridad sa lugar.