NAGPIRMAHANAY og Memorandum of Agreement kun MOA ang Brigadahan Gensan ug Sarangani Bay Specialists Medical Center, Inc. kun SarMed adlawng Miyerkules.
Ang MOA nagapalig-on sa tabang pagpa-ospital nga ginahatag sa Brigadahan GenSan sa mga miyembro niini.
Pinaagi sa MOA, mas daghan na nga miyembro ang matabangan sa Brigadahan Gensan sa panahon sa emerhensiya.
‘I am delighted and blessed for this signing with SarMed, this is for the people of Gensan especially to the members of Brigadahan Gensan,” ingon ni Idol Brigada Elmer V. Catulpos.
Nipirma sa MOA sila: Edgar Cadiente nga program director sa Brigadahan Gensan, Erine Gale Dejecacion nga executive director sa KaBrigada Foundation Inc., Rizaldy Nolasco, MD nga chairman of the board sa SarMed, Edwin Valencia, MD, FPCS,FPATACSI,FPHA, MAHA medical Director sa SarMed, Yelcy Yasay-Catulpos nga executive vice president sa Brigada Group ug ni Idol Brigada Elmer V. Catulpos nga CEO-President sa Brigada Group.
Ang Brigadahan GenSan usa ka programa sa paghiusa sa komunidad nga nagahatag ug kagahum o community empowerment aron nga masinatian ang kalidad nga kinabuhi pinaagi sa co-dependence, mutual cooperation o pagtinabangay, pakig-ambit sa mga resources ug pagpalungtad sa mga serbisyo alang sa mga miyembro.
