Malampuson nga na turn-over ngadto sa mga nasunogan sa Blk. 8 ug 9 Muslim Village Brgy. Ilang, Davao City ang mga hinabang nga natigom pinaagi sa donasyon sa mga tigpaminaw sa 91.5 Brigada News FM – Davao sama sa cash, bugas, ug mga gamit.
Nahatag kini tanan kaganing buntag kung asa gilangkuban kini sa 200 pcs nga foodpacks nga dunay delata, noodles ug sinakong used clothes.
Niadtong Lunes unang nahatag sa mga nasunogan ang 186 ka hygiene kits, ug 250pcs sa biscuit alang sa mga kabataan nga apektado sa tinuyuang sunog.
Nagmalampuson usab ang Brigadahan sa nasunogan sa tabang sa mga volunteers nga maoy nag-repack sa mga nasangpit nga hinabang.
Gi-turn over kini mismo kang Kapitan Amando Babao ug mga personahe sa City Social Welfare Development Office ning dakbayan.
