Kinumpirma ni National Food Auhority (NFA) Sorsogon and Masbate Branch office head Julie Llenaresas na buffer stocking na lamang ang tanging tungkulin na ginagampanan ng ahensya.
Ayon dito, ang stabilization function kasi ng NFA o yaong pag-stabilize ng presyuhan ng bigas sa merkado ay naalis na matapos na maipasa ang Republic Act 11203 o ang Rice Tarrification Law kung kaya tanging tungkulin na lamang umano nila ay ang buffer stocking o ang pag-iimbak ng palay sa pamamagitan ng pagbili sa mga local farmers sa lalawigan ng kanilang mga ani.
Aniya, bago kasi ang nasabing batas ay nag-aangkat pa ng bigas ang gobyerno subalit ngayon umano ay itinigil na ito at mamimili na lamang ng mga aning palay ng mga lokal na magsasaka habang ipinapaubaya na lamang sa mga private traders ang importation.
