Naghiwat sang Nutrition Month Culmination ang lokal nga gobyerno sang Jamindan bilang kabahin sa 49th Nutrition Month Celebration 2023 nga may tema “Healthy diet, gawing affordable for all”.
Ang nasambit nga kahiwatan ang ginpangunahan ni Mayor Mac Valdemar kaupod ang Municipal Nutrition Council (MNC).
May yara man sa Vegetables, Fruits and Delicacies Fair nga produkto sang mga mangunguma kun sa diin ini ang ginpilahan kag ginpamakal sang mga tumalambong bangud ini ang barato, preska kag masustansya.
Nagapakita lamang nga ang banwa sang Jamindan ang madamo sang produkto nga mahimo makasustiner kun kinahanglannon.
Nagdugang man ang ihibalo sang tanan sa lecture ni Dr. Rachel Ang hanungod sa Nutrition kag importansya sang healthy diet.
Kabahin man sang sini nga selebrasyon ang Vegetable Garden Contest sa pag-facilitate sang Office of the Municipal Agriculturist kag diri nagbaton sang P18,000 total cash prizes ang mga nagdaog.
Diri man ginsaysay sang Gawad Kalinga ang palaabuton nga proyekto kag Memorandum of Agreement sa tunga sang foundation kag LGU Jamindan para ma inisyar ang programa nga “Kusina ng Kalinga Plus” nga magahiwat sang feeding program sa eskwelahan.
Gina-engganyo man ni Mayor Mac ang tanan nga magkaon sang healthy nga pagkaon kaangay sang utan kag prutas nga affordable na healthy pa.
Yara man ang suporta sang aton Municipal Officials, MNC members, Brgy. Officials, Jamindan RHU sa pagpanguna ni Dr. Merriel Kapunan, Brgy Nutrition Scholars, kag Gawad Kalinga Foundation.