Milungtad sa subra duha ka oras nga ginukdanay ug pinangitaay sa mga personahe sa Butuan City Central Police Station aron subleng madakpan ang nakasibat nga suspetsado sa pagpangluba – patay sa single motor driver.
Ang nakasibat nga piniriso mao si Kenneth Baring.
Hisayran nga kuhaan na unta og mug shot si Baring dihang kalit lamang kining mikaratil pagdagan pagawas sa police station hinungdan nga nahitabo ang ginukdanay.
Niabot ang ginukdanay sa Brgy. Golden Ribbon diin nagkalapok si Baring kinsa naningkamot nga hingpit makasibat gikan sa mga otoridad.
Wala nagsilbi ang kaidlas sa nahisgotan sanglit suble ra usab kining nadakpan. Una nang gihimakak sa maong piniriso dihang nahinabi sa Brigada News FM Butuan nga dile siya ang nagluba patay sa driver sa single motor nga si Bensor John Cuevas.