Malampuson nga nakaanak ang byante anyos nga babaye pinaagi sa tabang sa kapulisan sa Paquibato District ning syudad sa Davao.
Una niini, gitabang ang inahan nga nailang si Jocelyn Hinayon, 20 anyos nga taga- San pablo Fatima Paquibato District niadtong hapon sa milabay’ng adlaw gumikan nagbati na kini.
Apan nagka-aberya ang gisakyan niini nga multicab hinungdan nga nalangay kini sa kalsada. Naagian sa Mobile Patrol Unit (MPU) sakay sila Police Staff Sergeant Mar S. Veloso ug PCpl Roseller T Lagulao hinungdan nga ilang gisakay sa ilang mobile patrol aron nga madala sa duol nga paanakan, apan wala na kini naka abot og naka anak sulod sa Mobile 07.
Gidala ang maong inahan ug ang bag-ong himugso niining bata sa Paanakan sa Malabog Paquibato District aron mahatagan og Medical nga hinabang.
Dako sab ang pasalamat sa pamilya ngadto sa kapulisan sa tabang niini nga mahatod nga luwas ang mag-inahan sa paanakan.