Ipaubos na sa alert level 3 sa COVID-19 Quarantine Classification ang syudad sa Cagayan de Oro sugod Enero 14 hangtud 31 ning tuiga.
Kini subay sa resolution no. 156 nga gipagawas sa National ITAF o Inter Agency Task Force for the Management of Emerging Infectious Diseases.
Mabasa sa resolution sa IATF nga ang Cagayan de Oro lamang ang ipaubos sa alert level 3 sa tibuok Northern Mindanao.
Apan, lakip sa ipaubos sa alert level 3 sa Mindanao ang Davao City sa Region 11, Butuan City ug Agusan del Sur sa CARAGA, ug Cotabato City sa BARMM.
Samtang, didto sa Visayas, ipaubos sab sa alert level 3 ang Bacolod City, Aklan, Capiz ug Antique sa Region 6, Cebu City ug Mandaue City sa Region 7, ug Tacloban sa Region 8.
Sa Luzon, lakip sa ipaubos sa alert level 3 ang Benguet, Kalinga ug Abra sa Cordillera Administrative Region, La Union, Ilocos Norte ug Pangasnan sa Region 1, Nueva Vizcaya, Isabela ug Quirino sa Region 2, Nueva Ecija ug Tarlac sa Region 3, Quezon Province sa Region 4-A, Occidental Mindoro ug Oriental Mindoro sa Region 4-B, ug Camarines Sur ug Albay sa Region 5. END