Call center agent nga tumandok sang Mambusao nasapwan patay sa Iloilo

Patay na sang nasapwan ang isa ka call center agent sa sulod sang iya boarding house sa Manduriao, Iloilo City.

Ginkilala ang biktima kay Nonelon Lara Jr.,residente sang Mambusao, Capiz.

Sandig sa imbestigasyon sang Mandurriao Police Station, ginapahayag nga nagareklamo ang iban nga mga boarders nga may nagapanimaho sa sulod sang balay.

Base sa kuha sang CCTV camera, katapusan nga nakita si Lara nga nagsulod sa ila boarding house sang Mayo 28 alas-10 sa aga kag wala nakaguwa.

Suno sa Mandurriao police, wala sang patimaan nga may foul play sa kamatayon ni Lara.

Nagdesisyon ang pamilya nga ipaidalom sa autopsy ang bangkay agud mahibaluan ang kabangdanan sang iya kamatayon. | Judy Ann Juare

Leave a Reply

Your email address will not be published. Required fields are marked *