LEGAZPI CITY – Nagpahayag nin pagpapasalamat si Camalig Municipal Mayor Caloy Baldo sa Social Security System (SSS) huli sa ikinondusir na Relief Afforded to Challenge Employers (RACE) program sa nasambit na bawaan.
Sa ekslusibong pakikipag-olay kan Brigada News FM Legazpi sa alkalde, sinabi kaini na dakulang tabang an programa nganing maresolberan an problema sa mga empleyado.
Dugang pa niya, importante na masiyerto na nahuhulugan nin tama an kontribusyon kan kada empleyadong miyembro kan SSS bilang proteksyon na man sainda sa maabot na panahon.
Magigirumduman, kan mga nakalihis na aldaw, 6 na establisimiento an binisita kan SSS sa banwaan na igwang mga bayolasyon siring kan non-remittance asin non-reporting.