Camarines Norte State College Surveying Team, bumisita sa Punong bayan ng Capalonga kaugnay sa itatayong CNSC Satellite Campus

CAMARINES NORTE- Bumisita ang Camarines Norte State College Surveying Team sa tanggapan ng Punong bayan ng Capalonga.

Ito ay kaugnay sa itatayong pampublikong satellite Campus ng Camarines Norte State College sa nasabing bayan

Binanggit naman ng Punong bayan ng Capalonga na sasagutin lahat ng lokal na pamahalaan ang kinakailangang pondo para sa nasabing itatayong kolehiyo.

Matatandaan, Agosto noong nakaraang taon ng makipagpulong ang punong bayan ng Capalonga kay Camarines Norte State College President, Dr. Marlo Dela Cruz kasama ang Vice President for Academic Affairs at ang Dean ng College of Education upang pag-usapan ang panukalang pagtatayo ng CNSC Satellite Campus sa nasabing bayan.

Binisita rin nila ang Evacuation Center sa Brgy. Mataque na maaaring magamit na pansamantalang paaralan habang itinatayo ang gusaling ilalaan para sa nasabing paaralang pangkoleheyo.

Marami umanong umaasa lalo na ang mga magulang at mga mag-aaral na magbubukas ang pampublikong kolehiyo sa darating na taong panuruan.

Leave a Reply

Your email address will not be published. Required fields are marked *