Camarines Sur nangunguna pa rin sa may pinakamataas na COVID-cases sa Bicol Region; dalawa nadagdag sa nasawi kahapon

NAGA CITY- Nangunguna pa rin ang Camarines Sur sa may pinakamataas na kaso ng COVID-19 sa Bicol Region base sa update ng Department of Health (DOH) Bicol.

Sa tala ng Environment Disaster Management and Emergency Response Office o EDMERO-Camarines Sur pumalo na sa 3,421 ang kabuuang bilang mula noong 2020. 628 rito ang aktibo, 2,662 ang gumaling na habang nagdagdagan ng dalawa ang nasawi kaya umabot na sa 131.

Ang mga bagong fatalities ay mga residente ng Sto. Domingo Iriga City at Manguiring Calabanga.

Una nang sinabi ng DOH Bicol na ang Camarines Sur at Naga City ay regular na nakakapagpadala ng samples at mayroon ding dalawang laboratoryong nagsusuri; ang Bicol Medical Center na nasa Naga at Bicol Region General Hospital and Geriatric Medical Center (BRGHGMC) o Bicol Sanitarium sa bayan ng Cabusao.

Samantala sa State of the Region Address kahapon, tinukoy ni DOH Regional Director Ernie Vera , ang mga linalabag na health protocols ng mga Bicolano. Ang pagsisiksikan sa mga pampublikong transportasyon, hindi pagsuot o hindi tamang pag facemask, ang pagpupunuan ng mga resorts at ilan pa.

Leave a Reply

Your email address will not be published. Required fields are marked *