Wala pa ginabawalan sang Commission on Election Region 6 ang pagbutang sang mga campaign posters sa kada kabarangayan samtang wala pa ang filling sang Certificate of Candidacy para sa Barangay and Sangguniang Kabataan Elections 2023.
Ini ang gin-athag ni Atty. Dennis Auson, Regional Director sang Comelec Region 6 sang ma-interview sang Brigada News FM Roxas City.
Suno kay Auson, sa subong wala pa sila sang provision nga magabawal sa pagbutang sang mga campaign posters sa kada kabarangayan magluwas nalang kun may yara sang ordinansa ang kabanwahanan nga anti-littering.
Dugang pa sini, sa oras nga maka-file na sang Certificate of Candidacy ang magakandidato sa BSKE sa Agusto 28 tubtob Setyembre 2, pagabawalan na ang pagpangtapik sang mga Campaign materials bangud indi ini ang natalana nga petsa para sa campaign period.
Sa tion nga may yara sang kandidato nga maglapas sa nasambit nga pagsulundan makabig na ini nga premature campaign. | Judy Ann Juare