Capiz Governor, ginklaro nga indi igapasara ro Roxas Memorial Provincial Hospital

Ginklaro makarun ni Capiz Governor Fredenil “Oto” Castro ro isyu kaangot sa ginasugid nga pagpasara o pag abandona it Roxas Memorial Provincial Hospital (RMPH) sa Arnaldo Boulevard sa syudad it Roxas.

Suno sa Gobernador, owa it plano ro provincial government nga ipasara ro nasambit nga ospital sa oras nga magbukas eon ro RMPH sa Barangay Lanot.

Ginpahayag pa it Gobernador nga may pilang operator o member of the board of trustees it pilang ospital sa syudad it Manila nga ginasugid nga may interes nga pamunuan ro nasambit nga ospital pero owa anay raya ginbatun ni Gov. Castro bangud posibleng indi eon maka benepisyo ro mga Capizeño kung mga taga Manila eon ro magapamalakad sa RMPH.

Sa makarun hay ginatun-an pa ni Gov. Castro ag ginapasiguro ro desisyon nga pagaubrahon pag abot sa nasambit nga butang agud indi mabutang sa aeang aeang ro mga Capisnon. / ANN DESLENE SALAZAR

Leave a Reply

Your email address will not be published. Required fields are marked *