Gulping natumba si Capiz Governor Fredenil ‘Oto’ Castro samtang nagatindog sa podium sa katung-anan it anang pag-deliver it anang First 100 Days Report sa Capiz Provincial Capitol.
Nasayuran nga si Gov. Castro hay may ginabatyag nga sakit sa likod bangud sa ginasugid nga naigpit nga ugat.
Insigida man nga ginbuligan it mga miyembro it Sangguniang Panlalawigan ro nasambit nga gobernador.
Gintan-aw man ni Dr. Alex Nolasco ro kahimtangan ni Gov. Castro partikular ro vital signs kara.
Nagpungko man ro Gobernador ag ginpadayun ro anang speech nga matsa owa it natabo.
Samtang, sa makarun hay sa mayad eon nga kondisyon ro nasambit nga gobernador. / ANN DESLENE SALAZAR