Nakabalhag sang labing una nga kaso sang African Swine Fever (ASF) matapos nagpositibo sa Polymerase Chain Reaction (cPCR) test results ang 4 sa 6 ka mga test samples nagikan sa Barangay Canapian, Maayon, Capiz.
Ginpatigayon ang nasambit nga test sang Department of Agriculture-Western Visayas Regional Animal Diseases and Diagnostic Laboratory bilang kabahin sang ila field disease surveillance activities.
Kadungan sini, nagpadala ang DA sang sulat sa natungdan nga mga opisyal sa probinsya nga naga mando sa paghimo sang nagakaigo nga tikang agud malikawan ang paglapta sang amo nga kagaw nga maga apekto sa mga hinuptanan nga baboy.//KMD Gicalde