Magadeploy sang masobra 1,000 nga mga pulis ang Capiz Police Provincial Office agud magsiguro ang peace and order sa selebrasyon sang Capiztahan 2023 sumugod Abril 13 tubtob Mayo 1.
Ini ang nangin pahayag sang tagpamaba sang Capiz PNP nga si Police Major Ruby Magallanes sa ginpatigayon nga press conference sa para sa preparasyon sang nasambit nga kahiwatan.
Dugang pa ni Magallanes, nga magahalin sa magkatuhay nga Municipal Police Station ang mga kapulisan nga maga-augment sa amo nga selebrasyon.
Kalakip man nga magabulig ang mga kapulisan gikan sa 1st kag 2nd Capiz Provincial Mobile Force Company.//KMD Gicalde